2024 jyly Parijde ótetin jazǵy Olimpiada jáne Paralimpiada uiymdastyrýshylary oiyn uranyn jariialady, - dep habarlaidy Tengrinews.kz tilshisi Olimpiada oiyndarynyń resmi saityna silteme jasap.
"Games Wide Open" (Keńinen ashyq oiyndar, Ouvrons grand les jeux) frazasy baiqaýdyń urany boldy.
2024 jylǵy Olimpiada uiymdastyrý komitetiniń tóraǵasy Toni Estange bul uranmen uiymdastyrý komiteti túrli is-sharalar men bastamalar arqyly Oiyndy jańa ári qyzyqty etýge umtylatynyn aitty.
"Bul búkil álemge jańa emotsiialardy bólisýge shaqyrtý. Bizdiń oiyndar - jańa áser men sezim. Jańa tártip, Parij ortalyǵyndaǵy ashyq jarystar, Senadaǵy erekshe ashylý saltanaty, kez kelgen adamǵa sportshy retinde olimpiadaǵa qatysý úshin marafon", - delingen habarlamada.
Frantsiia astanasy jazǵy Olimpiada oiyndaryn el tarihynda úshinshi ret ótkizedi. 2024 jylǵy jarystar 1924 jyly Parijdegi sońǵy oiyndardyń júz jyldyǵyna arnalǵan.
Oiyndy 26 shilde men 11 tamyz aralyǵynda ótkizý josparlanyp jatyr. Sportshylar jalpy 32 sport túrinen, sonyń ishinde Olimpiada oiyndarynda debiýt jasaityn breikingten jarysady. Paralimpiada Frantsiia astanasynda 2024 jylǵy 28 tamyzynan 8 qyrkúiegine deiin ótedi.
