2024 جىلى پاريجدە ٶتەتٸن جازعى وليمپيادا جەنە پاراليمپيادا ۇيىمداستىرۋشىلارى ويىن ۇرانىن جارييالادى, - دەپ حابارلايدى Tengrinews.kz تٸلشٸسٸ وليمپيادا ويىندارىنىڭ رەسمي سايتىنا سٸلتەمە جاساپ.
"Games Wide Open" (كەڭٸنەن اشىق ويىندار, Ouvrons grand les jeux) فرازاسى بايقاۋدىڭ ۇرانى بولدى.
2024 جىلعى وليمپيادا ۇيىمداستىرۋ كوميتەتٸنٸڭ تٶراعاسى توني ەستانگە بۇل ۇرانمەن ۇيىمداستىرۋ كوميتەتٸ تٷرلٸ ٸس-شارالار مەن باستامالار ارقىلى ويىندى جاڭا ەرٸ قىزىقتى ەتۋگە ۇمتىلاتىنىن ايتتى.
"بۇل بٷكٸل ەلەمگە جاڭا ەموتسييالاردى بٶلٸسۋگە شاقىرتۋ. بٸزدٸڭ ويىندار - جاڭا ەسەر مەن سەزٸم. جاڭا تەرتٸپ, پاريج ورتالىعىنداعى اشىق جارىستار, سەناداعى ەرەكشە اشىلۋ سالتاناتى, كەز كەلگەن ادامعا سپورتشى رەتٸندە وليمپياداعا قاتىسۋ ٷشٸن مارافون", - دەلٸنگەن حابارلامادا.
فرانتسييا استاناسى جازعى وليمپيادا ويىندارىن ەل تاريحىندا ٷشٸنشٸ رەت ٶتكٸزەدٸ. 2024 جىلعى جارىستار 1924 جىلى پاريجدەگٸ سوڭعى ويىنداردىڭ جٷز جىلدىعىنا ارنالعان.
ويىندى 26 شٸلدە مەن 11 تامىز ارالىعىندا ٶتكٸزۋ جوسپارلانىپ جاتىر. سپورتشىلار جالپى 32 سپورت تٷرٸنەن, سونىڭ ٸشٸندە وليمپيادا ويىندارىندا دەبيۋت جاسايتىن برەيكينگتەن جارىسادى. پاراليمپيادا فرانتسييا استاناسىندا 2024 جىلعى 28 تامىزىنان 8 قىركٷيەگٸنە دەيٸن ٶتەدٸ.
