25 maýsymda Parijde Eifel munarasy ashyldy. Frantsiia astanasyndaǵy eń kórnekti oryndardyń biri naýryz aiynyń ortasynda koronavirýs indetine bailanysty jabylyp qalǵan bolatyn.
Munarany kórgisi kelgen adamdar endi oǵan maska taǵyp kirýi tiis. Týrister arasynda araqashyqtyq saqtalýy kerek. Lift ázirge istemegendikten joǵary jaqqa baspaldaqpen shyǵýǵa bolady. Munaranyń birinshi jáne ekinshi qabaty ǵana ashyq. Ol jaqqa 30 minýtta shyǵýǵa bolady. Eń sońǵy - úshinshi qabat jabyq.
Ázirge belgili málimet boiynsha, Eifel munarasyndaǵy lift 1 shildeden bastap jumys isteidi. Munaranyń úshinshi qabaty shilde aiynyń sońynda ashylýy múmkin.
Qazir ekinshi qabattaǵy Jules Verne meiramhanasy jumys istep turǵan joq. Qoǵamdyq tamaqtaný orny 30 maýsymda ashylady dep aitylady. Qonaqtardy tek aldyn ala jazylý boiynsha ǵana qabyldaidy. Oryndar sany da shekteýli.
Frantsiianyń aqparat quraldarynyń jazýynsha, Eifel munarasy jabyq turǵan kezde munara ákimshiligi ai saiyn 9 mln eýro shyǵanǵa batqan.
Koronavirýs indeti bastalǵaly beri Frantsiiada 160 myńnan astam adamǵa virýs juqqan. Shamamen 30 myń adam qaitys bolǵan.
