Foto: UOK
Frantsiia astanasy Parij qalasynda jazǵy Olimp oiyndarynyń aiasynda atletterge qurmet kórsetý keshi ótti. Oǵan ár quramadan jeńiske jetken júldegerler iriktep alyndy, dep habarlaidy "Ult aqparat" Kazinform aqparat agenttigine silteme jasap.
Foto: Turar Qazanǵapov/UOK
Qazaqstan ulttyq olimpiada komiteti taratqan málimetke sensek, bizdiń komandadan bul saltanatty sharaǵa 77 kelide grek-rim kúresinen kúmis medal iegeri Demeý Jadyraev qatysqan.
"Sálem, Parij! Parij Olimpiadasynyń kúmis júldegeri Demeý Jadyraev chempiondar saiabaǵyndaǵy atletterdi qurmetteý keshine qatysty. Frantsiiada bizdiń sportshymyzdy 10 myńnan asa adam kútip alyp, qoshemet kórsetti!", - deidi komitetten.
Foto: Turar Qazanǵapov/UOK
Aita keteiik, keshe Demeý Jadyraev finalda japoniialyq Nao Kýsakadan 5:2 esebimen utylyp, Parij Olimpiadasynyń kúmis júldesin qanaǵat tutty.
Grek-rim kúresinen ulttyq quramanyń bas bapkeri Iýrii Melnichenko jarystan keiin Demeý Jadyraevtyń finaldaǵy beldesýi jaiynda pikir bildirdi.
Foto: Turar Qazanǵapov/UOK
Onyń aitýynsha, Jadyraevqa azdaǵan eptilik jetpei qalǵan.
Demeýdiń ózi de eline altyn syilaǵysy kelgenin, alaida sońǵy sátte jaýapkershilik júgi aýyrlap, jeńisti ýysynan shyǵaryp alǵanyn aityp aǵynan jarylǵan bolatyn.
