فوتو: ۇوك
فرانتسييا استاناسى پاريج قالاسىندا جازعى وليمپ ويىندارىنىڭ اياسىندا اتلەتتەرگە قۇرمەت كٶرسەتۋ كەشٸ ٶتتٸ. وعان ەر قۇرامادان جەڭٸسكە جەتكەن جٷلدەگەرلەر ٸرٸكتەپ الىندى, دەپ حابارلايدى "ۇلت اقپارات" Kazinform اقپارات اگەنتتٸگٸنە سٸلتەمە جاساپ.
فوتو: تۇرار قازانعاپوۆ/ۇوك
قازاقستان ۇلتتىق وليمپيادا كوميتەتٸ تاراتقان مەلٸمەتكە سەنسەك, بٸزدٸڭ كوماندادان بۇل سالتاناتتى شاراعا 77 كەلٸدە گرەك-ريم كٷرەسٸنەن كٷمٸس مەدال يەگەرٸ دەمەۋ جادىراەۆ قاتىسقان.
"سەلەم, پاريج! پاريج وليمپياداسىنىڭ كٷمٸس جٷلدەگەرٸ دەمەۋ جادىراەۆ چەمپيوندار ساياباعىنداعى اتلەتتەردٸ قۇرمەتتەۋ كەشٸنە قاتىستى. فرانتسييادا بٸزدٸڭ سپورتشىمىزدى 10 مىڭنان اسا ادام كٷتٸپ الىپ, قوشەمەت كٶرسەتتٸ!", - دەيدٸ كوميتەتتەن.
فوتو: تۇرار قازانعاپوۆ/ۇوك
ايتا كەتەيٸك, كەشە دەمەۋ جادىراەۆ فينالدا جاپونييالىق ناو كۋساكادان 5:2 ەسەبٸمەن ۇتىلىپ, پاريج وليمپياداسىنىڭ كٷمٸس جٷلدەسٸن قاناعات تۇتتى.
گرەك-ريم كٷرەسٸنەن ۇلتتىق قۇرامانىڭ باس باپكەرٸ يۋريي مەلنيچەنكو جارىستان كەيٸن دەمەۋ جادىراەۆتىڭ فينالداعى بەلدەسۋٸ جايىندا پٸكٸر بٸلدٸردٸ.
فوتو: تۇرار قازانعاپوۆ/ۇوك
ونىڭ ايتۋىنشا, جادىراەۆقا ازداعان ەپتٸلٸك جەتپەي قالعان.
دەمەۋدٸڭ ٶزٸ دە ەلٸنە التىن سىيلاعىسى كەلگەنٸن, الايدا سوڭعى سەتتە جاۋاپكەرشٸلٸك جٷگٸ اۋىرلاپ, جەڭٸستٸ ۋىسىنان شىعارىپ العانىن ايتىپ اعىنان جارىلعان بولاتىن.
