Foto: Almaty ákimdigi
Parij Olimpiadasyna qatysqan ulttyq qurama sportshylarynyń taǵy bir legi elge oraldy. Olardyń arasynda el qorjynyn kúmis medalmen tolyqtyrǵan Demeý Jadyraev ta bar, dep habarlaidy Kazinform.
Demeý Jadyraevty Almaty áýejaiynda Almaty oblysy ákimdigi, jaqyndary men jankúierleri, jýrnalister, Qorǵanys ministrligine qarasty ortalyq sport klýbynyń ókilderi sán-saltanatpen qarsy aldy.
Foto: Almaty ákimdigi
Aita keteiik, ol alǵashqy jekpe-jeginde ekvadorlyq Djeir Kýeromen beldesti. Asa tartysty ótken jarysta Demeý Jadyraev 8:0 esebimen jeńiske jetti.
Shirek finalda eki dúrkin álem chempiony, Tokio oiyndarynyń kúmis júldegeri qyrǵyzstandyq Aqjol Mahmýdovtan 3:1 esebimen basym tústi.
Al jartylai finalda ázerbaijan jigiti Sanan Sýleimanovty 6:1 esebimen jeńdi.
Finalynda otandasymyz 77 keli salmaqta qarsylasy japoniialyq Nao Kýsakadan jeńilip, kúmis júldeni qanaǵat tutty.
Demeý Jadyraev biyl 34 jasta.
