Foto: Ulttyq Olimpiadalyq komitet saitynan
Komandany súiemeldeitin tulǵalardyń sany alǵash ret qatysýshylar sanynan artyp otyr, -dep habarlaidy "Ult Aqparat" Ulttyq Olimpiadalyq komitetke silteme jasap.Parij-2024 (Frantsiia) Olimpiadasynda Qazaqstan komandasyna 67 bapker men quramyna dárigerler, massajshylar jáne psihologtar enetin keshendi ǵylymi toptyń 15 múshesi qoldaý kórsetedi.
Qosymsha akkreditatsiialardy qaita josparlaý kezinde sportshylardyń sátti óner kórsetýine tikelei áser etetin kásibi mamandar - bapkerler quramy men sporttyq dárigerlerge basymdyq berildi.
«Olimpiada oiyndaryna qatysqan Qazaqstan quramasy tarihynda bapkerler men dárigerler sany sportshylar sanynan asyp túsken emes.
Súiemeldeýshi tulǵalarǵa beriletin akkreditatsiia tek qana Olimpiada oiyndaryna qatysatyn atletterdiń sanyna bailanysty bólingen bolatyn. Alaida, Oiyndy uiymdastyrý komitetiniń jańarǵan sanaý júiesi, sondai-aq, UOK pen Qazaqstan týrizm jáne sport Ministrliginiń birlesken is-áreketteriniń arqasynda barlyq sportshynyń jeke jattyqtyrýshysyn júiege engizý múmkindigi paida boldy. Endi sportshylardyń jeke bapkerleri de ulttyq quramanyń bas bapkerlerimen birge jarysqa qatysa alady. Qaitalap aitamyn, buryn-sońdy mundai bolǵan emes. Tipti, keibir Olimpiada oiyndaryna Parijden áldeqaida kóp atlet qatyssa da, mundai jaǵdai tirkelmegen.
Odan bólek, ulttyq quramanyń úzdik sportshylary Eldos Smetov (dziýdo) pen Nursultan Tursynovtyń (grek-rim kúresi) jeke bapkerleri alǵashqy keńeitilgen tizimge enbei qalǵanyn da aitý kerek. UOK-tiń Parij-2024 Oiyndaryn uiymdastyrý komiteti jáne HOK-pen júrgizgen uzaq kelissózderiniń arqasynda atalǵan jattyqtyrýshylardy akkreditatsiiadan ótkizýge kelisim berildi. Al atletter úshin jeke bapkerlerin almastyratyn eshkim joq ekenin umytpaý kerek.
Olimpiada kezinde Oiyndy uiymdastyrý komitetimen aradaǵy barlyq qarym-qatynas tikelei UOK arqyly órbidi jáne meniń áriptesterim buǵan tas-túiin daiyn. Parij oiyndarynda ulttyq quramanyń jumysyn úilestirýge UOK-tyń jeti qyzmetkeri jumyldyrylǵan jáne olardyń árqaisysynda ózindik jaýapkershilik aimaǵy bar. Olar tehnikalyq jáne logistikalyq kómek kórsetý, jattyǵý kestesi men tasymaldaýdy retteý, jarysqa tirkeý jáne taǵy da basqa kóptegen jumysty atqarý arqyly sporttyq delegatsiiaǵa jaily jaǵdai jasaidy. Qyzmetkerler táýlik boiy uiymdastyrý komiteti jáne HOK ókilderimen tikelei bailanys ustap otyr. Kez kelgen sportshy men kez kelgen delegatsiia ókilinde bizdiń mamandar sheshetin shuǵyl máseleler týyndaýy múmkin», - deidi olimpiadalyq aýylǵa jaýapty Qazaqstan UOK sport Departamentiniń basshysy Bektur Qiiatbai.
Aita ketelik, UOK basshylyǵy Olimpiada oiyndaryna Halyqaralyq Olimpiada komitetiniń shaqyrýymen keldi jáne jarystan bólek, HOK, AOK, halyqaralyq federatsiialar, sondai-aq, ózge elderdegi UOK ókilderimen ekijaqty kezdesýler ótkizý josparlanǵan. Qazirgi tańda 35-ten asa kezdesý josparlanyp qoidy.
Sonymen qatar, delegatsiia quramyna 16 sparring-seriktestiń engenin aita ketý kerek. Olar jekelegen sport túrleri boiynsha synǵa túsetin atletterimizge olimpiadalyq jarys ótetin aimaqtarda kómektesetin bolady.
2024 jylǵy Olimpiada oiyndaryna 25 sport túrinen 80 qazaqstandyq atlet irikteýden ótti.
