Qazaqstan boks federatsiiasy Parij Olimpiadasyna joldama alǵan boksshylar men olardyń jattyqtyrýshylaryna arnap aýyzashar uiymdastyrdy.
Qazaqstan boks federatsiiasynan málim etkenindei, jiynda jaqynda Italiiada ótken álemdik irikteý týrnirinde litsenziia jeńip alǵan boksshylar men ulttyq quramanyń bapkerler alqasy qarjylai syilyqtarmen marapattaldy.
Boksshylarǵa 20 myń AQSh dollarynan tabystalsa, bas bapker Myrzaǵali Aitjanovqa 10 myń dollar berildi. Budan bólek, ulttyq quramanyń jattyqtyrýshylary da syiaqyǵa ie boldy.
Sonymen qatar Parij Olimpiadasynda joǵary nátije kórsetken boksshylarǵa Qazaqstan boks federatsiiasy tarapynan beriletin syiaqy mólsheri jariialandy:
1-oryn: 220 000 $
2-oryn: 120 000 $
3-oryn: 70 000 $
4-oryn: 30 000 $
5-oryn: 10 000 $.
Al bas bapker men jattyqtyrýshylar alqasy oryn alǵan boksshy syiaqysynyń 30 paiyzyna para-par qarjylai syiaqy alady.
