Parijdiń batysyndaǵy Shampini-siýr-Marn kommýnasyndaǵy politsiia komissariatyna armatýra jáne pirotehnikamen qarýlanǵan belgisiz bireýler shabýyl jasap, ǵimarat pen jaqyn mańdaǵy kólikterge zaqym keltirgen. Kommýnanyń meri Loran Jan jeksenbide CNews telearnasyndaǵy efirde shabýylǵa qyryqqa jýyq adam qatysqanyn málimdedi, dep habarlaidy "Ult aqparat".
«Eki politsiia qyzmetkeri tún ortasynda komissariattyń kireberisi aldynda temeki shegip turǵan kezde armatýramen qarýlanǵan 40 shaqty jas jigit shyǵa kelgen. Olar ǵimaratqa kirýge árekettengen. Qaiǵyly jaǵdaidyń aldyn aldyq, qyzmetkerler ishke kirip úlgerdi», - dedi ol.
Merdiń aitýynsha, shabýyl jasaǵandar 10 minýttai alańǵa otshashýlar atqan, olardyń shoqtary búkil aýmaqqa shashyrap ketken. Telearnanyń efirinde kórsetilgen kadrlarǵa qaraǵanda, pirotehnikalyq jáne basqa da zattarmen atqylaý saldarynan aldyńǵy esiktiń terezeleri men áinekteri synǵan, ǵimarat aldyndaǵy avtoturaqtaǵy birneshe kólik órtenip ketken. Politseilerdiń eshqaisysy zardap shekken joq.
Qazir shabýylǵa qatysty tergeý júrgizilýde. Ázirge bilik bul oqiǵaǵa naqty qansha adamnyń qatysy baryn anyqtai almai jatyr.
