Biyl Parij ben Stambulda Ahmet Baitursynulynyń 150 jyldyǵyna arnalǵan is-sharalar ótedi. Bul týraly QR Memlekettik hatshysy Erlan Qarin Ahmet Baitursynulynyń 150 jyldyǵyna arnalǵan halyqaralyq ǵylymi-praktikalyq konferentsiiada málim etti, dep habarlaidy QazAqparat.
«Ahań qazaqtyń ult bolyp saqtalyp qalýy úshin tildiń orny airyqsha ekenin zor mán berdi. Onyń: «Egerde biz qazaq degen ult bolyp turýdy tilesek, qarnymyz ashqas qamyn oilaǵanda tilimizdiń de saqtalý qamyn qatar oilaýymyz kerek» degen sózderi – sonyń aiqyn dáleli. Ahań ulttyq álipbiimizdi ázirlep, oqýlyqtar jazdy, til ǵylymyna túren saldy. Tildiń ultty saqtaýdaǵy orasan zor mańyzyn jurtymyzdyń sanasy sińire otyryp, qazaq tilin ǵylymǵa beiimdedi. Osy tarihi eńbeginiń arqasynda ol qazaq til biliminiń atasy, ult ustazy atandy. Ahań negizin qalaǵan til ǵylymy onyń esimin ataýǵa tyiym salǵan keńes dáýirinde de jappai qoldanysta boldy», - dedi Erlan Qarin.
Aitýynsha, til bilimi men ádebiettaný ǵylymdarynda Ahment Baitursynuly engizgen terminder men uǵymdar eshqashan ózektiligin joǵaltpaidy.
«IýNESKO kóleminde jáne elimizdiń barsha óńirinde ótkiziletin mereitoi sharalaryna barshamyz belsene atsalysýymyz qajet. Parijde jáne Stambulda arnaiy is-sharalar uiymdastyrylady. Túrkistanda halyqaralyq kongress ótedi, basqa da jumystar josparlanǵan. Sonyń bárinde Ahmet Baitursynúlynyń mol murasy men qairetkerlik qyzmeti dáriptelip, laiyqty baǵa beriledi dep oilaimyn», - dedi Memlekettik hatshy.
