Tokio-2020 Paralimpiada oiyndarynyń jeńimpazy David Degtiarev parapaýerliftingten erler arasynda 54 kelige deiingi salmaqta synǵa túsip, álem chempiony atandy, dep habarlaidy QazAqparat.
Qazaqstandyq sportshy 178 kg salmaqty kóterip birinshi orynǵa ie bolsa, ekinshi oryndy Qytai sportshysy Ian Djilan iemdendi.
Al Mysyr elinen kelgen sportshy Abdelmajid Taha úshinshi orynǵa ie boldy.
«Jalpy óz nátijeme rizamyn. Tokio-2020 oiyndarynan keiin dem alyp, kúsh jinap, chempionatqa qyzý jattyǵý jumystaryn ótkizdik. Sonyn arqasynda jaqsy jetistikke jettim dep oilaimyn. Jarys barysynda birinshi raýndta 175 kg kóterdim, ekinshi raýndta 178 keli salmaqty baǵyndyrdy, al 3-shi raýndta kótergen 186 kg salmaǵym tehnikalyq sebeptermen eseptelmedi. Maǵan qoldaý kórsetip, senim artqan jattyqtyrýshyma, otbasyma, dostaryma, QR Ulttyq Paralimpiada komitetine jáne barlyq qazaqstandyqtarǵa alǵys aitamyn», - dedi chempion jarystan soń.
Esterińizge sala keteiik, para paýerliftingten álem chempionaty Tbilisi qalasynda 27 qarasha – 6 jeltoqsan aralyǵynda ótedi.
Oǵan álemniń 68 memleketinen 400-den astam sportshy qatysady.
Chempionatqa Qazaqstan tarapynan 26 paralimpiadashy attandy, onyń altaýy jastar arasynda ótip jatqan álem chempionatyna qatysady.
