Aqmola oblysynda para alý kezinde ustalǵan Zerendi aýdanynyń burynǵy ákimi Berikjan Ábýtálipov pen aýdandyq turǵyn úi-kommýnaldyq sharýashylyǵynyń basshysy Nurlan Baqanov jáne kásipker Arkadii Stoliarenkoǵa qatysty sot úkim shyqty, dep habarlaidy "Ult aqparat" oblystyq sottyń baspasóz qyzmetine silteme jasap.
«Sot B.Ábýtálipovti QR QK 366 babynyń 3 bóligi 2 bólimshesi, 361 babynyń 4 bóligi 3 bólimshesi boiynsha kináli dep tanyp, múlkin, zańsyz jolmen alynǵan 741 080 aqshasyn tárkileý arqyly 5 jylǵa bas bostandyǵyn shekteý jazasyna kesti. Sonymen qatar, ol ómir boiyna memlekettik qyzmette laýazymda bolý quqynan aiyryldy», - dedi vedomstvodan.
Budan bólek, eks - ákim jazasyn óteý kezinde jyl saiyn 100 saǵattan aspaityn ýaqytqa májbúrli túrde jumys isteýge mindetteldi.
Al, N.Baqanovty QR QK 366 babynyń 3 bóligi 2 bólimshesi, 361 babynyń 4 bóligi 3 bólimshesi jáne 189 babynyń 3 bóligi 1,2 bólimsheleri boiynsha kináli dep tanyp, múlkin, zańsyz jolmen alynǵan 741 080 aqshasyn tárkileý arqyly 3 jyl 6 aiǵa bas bostandyǵynan aiyrý (qaýipsizdigi ortasha túzetý mekemesinde jazasyn óteidi) týraly úkim shyǵardy. Sonymen qatar, ol da ómir boiyna memlekettik qyzmette laýazymda bolý quqynan aiyryldy.
Arkadii Stoliarenko QR QK 189 babynyń 3 bóligi 1 bólimshesi boiynsha boiynsha kináli dep tanylyp, 4 jylǵa bas bostandyǵyn shekteý jazasyna kesildi. Ol QR QK 367 babynyń 2 bóliginde qarastyrylǵan – onyń áreketinde qylmystyń quramy bolmaǵany aqtaldy.
«Ábýtálipov pen Stoliarenkoǵa jazasyn óteý merziminde mynadai probatsiialyq baqylaý ornatyldy: Turaqty mekenjaiy men jumys ornyn aýystyrmaýǵa, quzyretti memlekettik organnyń eskertýinsiz eshqaida ketpeýge, saǵat 21:00-den 07:00 deiin qoǵamdyq oryndarǵa barmaýy tiis», - dep tolyqtyrdy vedomstvodan.
Vedomstvodan atap ótkendei, sottalǵandardy turǵylyqty jeri boiynsha quzyrly memlekettik organ baqylaityn bolady. Eger sottalǵan tulǵalar jazadan bas tartatyn bolsa, onda bas bostandyǵyn shekteý sharasy, bas bostandyǵynan aiyrý túrindegi jazaǵa aýystyrylady. Sottalýshylar Ábýtálipov, Baqanov jáne Stoliarenkodan aýyr qylmysy úshin zardap shekken jaqtyń ótemaqy qoryna 20 ailyq eseptik kórsetkish kóleminde májbúrli tólem óndirilip alyndy.
Sot úkimi kúshine engen joq.
