Azamattyq qoǵam isteri jónindegi komitet tóraǵasynyń orynbasary Baýyrjan Mýsin Azamattyq bastamalardy qoldaý ortalyǵynyń direktorlar keńesine kirgen.
Ortalyq basshysy Nurlan Óteshevtiń aitýynsha, paramen ustalǵan sheneýnik áleýmettik granttardy taratý jumysyna aralasqan joq, dep habarlaidy Ult.kz tilshisi QazAqparat agenttigine silteme jasap.
«Mýsin myrza memlekettik satyp alýlar salasynda lobbi jasaǵany úshin ustalǵan. Alaida memlekettik satyp alýlar men memlekettik granttar - bul eki bólek sala. Degenmen, Mýsin bizdiń direktorlar keńesiniń tóraǵasy bolyp tabylady. Sebebi ortalyqtyń jalǵyz aktsioneri - azamattyq qoǵam isteri jónindegi komitet. Alaida direktorlar keńesi memlekettik granttardy taratý jumysyna aralasqan joq. Ol úshin arnaiy sarapshylar komissiiasy bar. Atalǵan eki qurylymnyń maqsat-mindetteri uiymnyń jarǵysynda da jazylǵan. Direktorlar keńesi strategiialyq sheshimderdi qabyldasa, granttardy taratý jumysyna sarapshylar komissiiasy jaýap beredi. Sondyqtan Mýsin myrza qandai da bir sheshimge tikelei áser ete almady», - dedi Óteshev búgin Astanada ótken baspasóz máslihatynda.
Onyń aitýynsha, osy joly Azamattyq bastamalardy qoldaý ortalyǵy 42 jobany iriktep aldy. Osyǵan orai, memlekettik granttar áleýmettik mańyzy bar bastamalarǵa bólinetin boldy. Onyń ishinde kámelettik jasqa tolmaǵandardyń quqyǵyn qorǵaý, ózekti taqyryptar boiynsha konferentsiialar uiymdastyrý jáne taǵy basqa qoǵamdyq jobalar bar.
Aita keteiik, búgin QR Din isteri jáne azamattyq qoǵam ministrliginiń Azamattyq qoǵam isteri jónindegi komitet tóraǵasynyń orynbasary Baýyrjan Mýsin 400 myń teńge para alý barysynda ustaldy. Paranyń jalpy somasy 1,4 mln. teńgeni qurap otyr.
