Beijińdegi paralimpiada oiyndarynyń júldegeri Aleksandr Gerlitske Soltústik Qazaqstan oblysynan bir bólmeli páter beriledi, dep habarlaidy QazAqparat.
Bul týraly QR Mádeniet jáne sport ministrligi Sport jáne dene shynyqtyrý isteri komitetiniń tóraǵasy Samat Erǵaliev ortalyq kommýnikatsiialar qyzmetinde ótken brifingide aitty.
«2016 jylǵy Rio paralimiadasynan bastap paralimpiada jáne sýrdolimpiada oiyndarynyń jeńimpazdary men júldegerleriniń qarjylai syiaqylary ósip, olimpiadalyq sportshylarmen teńesti. Sonymen qatar, aldaǵy tańda sporttyq nátijelerdi eskere otyryp ulttyq qurama jattyqtyrýshylary men sportshylarynyń jalaqylaryn kóterý máselesi qarastyrylady», - dedi komitet basshysy.
Sondai-aq, ol Beijińdegi paralimpiada oiyndarynda 10 shaqyrymdyq jarysta qola júlde alǵan biatlonshy Aleksandr Gerlitske páter beriletinin aitty.
«Beijińdegi paralimpiada oiyndarynyń nátijeleri boiynsha sportshylar men jattyqtyrýshylarǵa Úkimet tarapynan jalpy somasy 131 mln teńge jáne «Dene shynyqtyrý men sport» týraly zań boiynsha Aleksandr Gerlitske Soltústik Qazaqstan oblysy ákimdiginiń tarapynan bir bólmeli páter beriledi», - dedi Samat Erǵaliev.
