Tokiodaǵy Paralimpiadanyń ashylý saltanatynda jarysqa qatysa almaityn aýǵan sporshylarynyń qurmetine Aýǵanstannyń týy boi kóteredi. Bul týraly dúisenbi kúni Japoniia astanasynda Halyqaralyq paralimpiada komitetiniń (HPK) basshysy Endriý Parsons málim etti, dep habarlaidy QazAqparat Kyodo-ǵa silteme jasap.
«Aýǵanstan týy Paralimpiadanyń ashylý saltanatynda boi kóteredi. Biz ony alyp ótý úshin BUU bosqyndar isi boiynsha Joǵarǵy komissary basqarmasynyń ókilin shaqyrdyq. Osylaisha, biz olarǵa tilektes ekenimizdi kórsetkimiz keledi. Olar (Aýǵanstan paralimpiadashylary) Oiynǵa qatysýy tiis edi, alaida, ókinishke qarai, bul múmkin emes», - dedi ol.
Paralimpiadaǵa Aýǵanstannyń eki atleti kelýi tiis edi. Olardyń arasynda Paralimpiadada Aýǵanstannan alǵash ret qatyspaqshy bolǵan áiel Zakiia Hýdadadi bar bolatyn. Qurama Tokioǵa 17 tamyz keledi dep josparlanǵan. Alaida, HPK-dan málim etkendei, Aýǵanstandaǵy jaǵdaiǵa bailanysty ony Japoniiaǵa qaýipsiz jetkizýdiń amaly tabylmady.
Tokiodaǵy Paralimpiada oiyndary 24 tamyzdan 5 qyrkúiekke deiin ótedi.
