توكيوداعى پاراليمپيادانىڭ اشىلۋ سالتاناتىندا جارىسقا قاتىسا المايتىن اۋعان سپورشىلارىنىڭ قۇرمەتٸنە اۋعانستاننىڭ تۋى بوي كٶتەرەدٸ. بۇل تۋرالى دٷيسەنبٸ كٷنٸ جاپونييا استاناسىندا حالىقارالىق پاراليمپيادا كوميتەتٸنٸڭ (حپك) باسشىسى ەندريۋ پارسونس مەلٸم ەتتٸ, دەپ حابارلايدى قازاقپارات Kyodo-عا سٸلتەمە جاساپ.
«اۋعانستان تۋى پاراليمپيادانىڭ اشىلۋ سالتاناتىندا بوي كٶتەرەدٸ. بٸز ونى الىپ ٶتۋ ٷشٸن بۇۇ بوسقىندار ٸسٸ بويىنشا جوعارعى كوميسسارى باسقارماسىنىڭ ٶكٸلٸن شاقىردىق. وسىلايشا, بٸز ولارعا تٸلەكتەس ەكەنٸمٸزدٸ كٶرسەتكٸمٸز كەلەدٸ. ولار (اۋعانستان پاراليمپياداشىلارى) ويىنعا قاتىسۋى تيٸس ەدٸ, الايدا, ٶكٸنٸشكە قاراي, بۇل مٷمكٸن ەمەس», - دەدٸ ول.
پاراليمپياداعا اۋعانستاننىڭ ەكٸ اتلەتٸ كەلۋٸ تيٸس ەدٸ. ولاردىڭ اراسىندا پاراليمپيادادا اۋعانستاننان العاش رەت قاتىسپاقشى بولعان ەيەل زاكييا حۋدادادي بار بولاتىن. قۇراما توكيوعا 17 تامىز كەلەدٸ دەپ جوسپارلانعان. الايدا, حپك-دان مەلٸم ەتكەندەي, اۋعانستانداعى جاعدايعا بايلانىستى ونى جاپونيياعا قاۋٸپسٸز جەتكٸزۋدٸڭ امالى تابىلمادى.
توكيوداعى پاراليمپيادا ويىندارى 24 تامىزدان 5 قىركٷيەككە دەيٸن ٶتەدٸ.
