Keiko Sýgiýra Tokioda ótip jatqan Paralimpiada oiyndarynda áielder arasyndaǵy C1-3 jarysynda Japoniianyń eń jasy úlken altyn júldegeri atandy, dep habarlaidy QazAqparat Kyodo agenttigine silteme jasap.
Sýgiýranyń Fuji International Sppedway-de ýaqyty 25 minýt 55,76 sekýndty kórsetip, 1996 jyly Atlanta qalasyndaǵy Paralimpiada oiyndaryndaǵy 46 jastaǵy Takio Ýshikýbonyń rekordyn jańartty.
Ol sondai-aq Paralimpiada oiyndarynda altyn jeńip alǵan birinshi velosipedshi jáne jalpy esepte tórtinshi sportshy boldy.
Shvetsiia sportshysy Anna Bek( 26: 18.03) kúmis júldeger atansa, avstriialyq Peidj Greko (26: 37.54) qola júldeni qanjyǵasyna bailaǵan.
Sýgiýra denesiniń oń jaǵy sal aýrýyna shaldyqqan, sondai-aq 45 jasynda velojarys kezinde qulap, este saqtaý qabileti buzylǵan.
Sidzýoka prefektýrasynyń týmasy ońaltý aiasynda velosiped aidaýyn jalǵastyryp, 2017 jylǵy álem chempionatynda altyn júldege, 2019 jylǵy álem chempionatynda kúmis júldege qol jetkizgen.
