Búgin para paýerliftingten 67 kelige deiingi salmaqta áielder arasyndaǵy básekede Raýshan Qoishybaeva baq synap, tórtinshi oryn aldy, dep habarlaidy "Ult aqparat" Mádeniet jáne sport ministrligine silteme jasap.
Segiz atlet óner kórsetken synda otandasymyz áýeli 106 kilony sátti eńsergen. Alaida ekinshi múmkindiginde 112 kilo ziltemirdi yrqyna kóndire alǵan joq. Sońǵy múmkindiginde dál sol salmaqty kótergenimen bul nátije júldegerler qataryna qosylýǵa jetpedi.
Bul salmaqta qytailyq Tan Iýitsziao ekinshi Paralimpiadada top jardy. Kúmis - mysarlyq Fatma Omarǵa, qola - nigeriialyq Olaitan Ibraimǵa buiyrdy.
Aita keteiik, 2016 jylǵy Paralimpiadada otandasymyz Raýshan Qoishybaeva bul salmaqta kúmis medal jeńip alǵan. Sonymen qatar Raýshan 2018 jyly Djakartada ótken Para Aziia oiyndarynda ekinshi orynǵa ie bolǵan.
