Qazaqstandyq parataekvondoshy Nurlan Dombaev Tokiodaǵy Paralimpiada oiyndarynda alǵashqy kezdesýin ótkizdi, dep habarlaidy Sports.kz.
75 kelige deiingi salmaq dárejesinde baq synasqan otandasymyz shirek finalda argentinalyq Hýan Samoranomen kezdesip, 27:25 (15:11, 6: 5, 4: 9, 2: 0) esebimen jeńiske jetti. Osylaisha, ol negizgi tordaǵy kezdesýdi jalǵastyrady, al Samorano jubanysh jekpe-jekterine qatysady.
Aita keteiik, atalǵan oiyndarda Dombaev elimizdiń paralimpiadalyq quramasynyń týyn kóterip shyqqan bolatyn.
Búgin taǵy bir qazaqstandyq taekvondoshy Kamilia Dosmalova birinshi jekpe-jekte serbiialyq qarsylasynan jeńilip qaldy, alaida jubanysh raýndynyń shirek finalyna joldama aldy.
