Tokioda ótip jatqan Paralimpiada oiyndarynda qazaqstandyq paradziýdoshy Temirjan Dáýlet kúmis medalǵa ie boldy, dep habarlaidy "Ult aqparat".
Otandasymyz 73 keli salmaqta synǵa tústi. Ol finalda ózbekstandyq Ferýz Saidovpen sheberlik baiqasqan. Jekpe-jek barysynda Temirjan qarsylasynyń osal tusyn tabýǵa tyrysty. Degenmen qarsylasyna ippon ádisimen jol berip qoidy.
Temirjan jartylai finalda grýzin Georgii Kaldaniden ailasyn asyryp, qarsylasyn ipponmen jeńdi.
Aita keteiik, budan buryn el quramasynan paýerlifting sheberi David Degtiarev chempion atansa, paradziýdoshy Ánýar Sariev kúmis júldeger boldy.
Al, 2016 jyly Braziliianyń Rio-de-Janeiro qalasynda ótken Paralimpiada oiyndarynda Zúlfiia Gabidýllina erkin ádispen 100 metrge sýǵa júzýden chempion atandy.
Sol joly taǵy bir qazaqstandyq Raýshan Qoishybaeva paýerliftingten áielder arasynda 67 kelide ekinshi oryn aldy.
Tokio Paralimpiadasy 24 tamyzynda bastaldy, ol 5 qyrkúiekte máresine jetedi. Jarysta elimizdiń atynan barǵan 26 sportshy sporttyń 7 túrinen synǵa túsýde.
