Foto: depositphotos.com
Astana qalasy boiynsha Sybailas jemqorlyqqa qarsy qyzmet Otyn-energetika kesheni jáne kommýnaldyq sharýashylyq basqarmasy basshysynyń qylmystyq áreketin toqtatty, dep habarlaidy "Ult aqparat" vedomstvonyń baspasóz qyzmetine silteme jasap.
"Ol Astanada káriz tazartý qurylystaryn salý jónindegi jumystardy jetkizýshini aiqyndaý jáne bir kózden alý tásilimen shart jasasý kezinde onyń múddelerin alǵa tartqany úshin jeke kompaniia basshysynan qala syrtyndaǵy úi túrinde iri kólemde para aldy dep kúdiktenedi.
Sottyń sanktsiiasymen kúdikti qamaýǵa alyndy. Sotqa deiingi tergeý jalǵasyp jatyr" - delingen habarlamada.
Qylmystyq-protsestik kodeksiniń 201-babyna sáikes ózge aqparat jariia etýge jatpaidy. Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
