Qostanai oblysy politsiia departamentiniń baspasóz qyzmeti Jitiqara túrmesi bastyǵynyń qamaýǵa alynýyna bailanysty túsinik berdi, dep habarlaidy "Ult aqparat".
«Birlesken operatsiiany Qostanai oblysy politsiia departamenti men UQKD qyzmetkerleri júrgizdi. Qostanai oblysy boiynsha Qylmystyq atqarý júiesi departamentiniń ÝK-161/3 tótenshe qaýipsizdik mekemesiniń bastyǵy sottalýshyǵa jalpy qamqorlyǵy úshin para alǵannan keiin ustaldy. Qazirgi ýaqytta kúdiktige qatysty QR QK-niń 366-baby 3-bóligi «Para alý» boiynsha sotqa deiingi tergeý amaldary júrgizilýde. Kúdikti Qostanai qalasynyń ýaqytsha ustaý izoliatoryna qamaldy», delingen politsiia apparatynda.
Qostanai oblysy Politsiia departamentiniń basqarma bastyǵy Jánibek Qamzenovtyń aitýynsha, quqyq qorǵaý organdarynda zańbuzýshylyqtardy anyqtaý jáne jolyn kesý boiynsha jumys turaqty negizde júrgiziledi. Sondai-aq sybailas jemqorlyq táýekelderi taldanady. Jyl basynan beri ishki ister salasynyń 21 qyzmetkeri jumystan shyǵarylǵan. Taǵy 23 qyzmetker tártiptik jazaǵa tartylyp, laýazymynan bosatyldy.
Aita keteiik, «Qara búrkit» túrmesi Jitiqara qalasynan 30 shaqyrym jerde ornalasqan. Jeke quramnan bólek, túrmeni ishki ásker qyzmeti kúzetedi.
