10 jeltoqsandaǵy jaǵdai boiynsha ekonomikanyń eń kóp zardap shekken sektoryndaǵy 4180 shaǵyn jáne orta biznes sýbektilerine jalpy somasy 754 mlrd teńge nesieniń 6 paiyz stavkasyn sýbsidiialaýǵa ótinim maquldandy, dep habarlaidy QazAqparat.
Baǵdarlamanyń operatory - «Damý» kásipkerlikti damytý qory.
Sýbsidiiany 2 738 shaǵyn jáne orta biznes aldy. Bul - bekitilgen qaryz alýshylardyń jalpy sanynyń 65,5 paiyzy. 7 860 bank qaryz sharttary boiynsha tólengen sýbsidiianyń jalpy somasy - 6,9 mlrd teńge.
Ekonomikanyń zardap shekken sektorlaryndaǵy (ekonomikanyń 29 salasynda) shaǵyn jáne orta bizneske berilgen barlyq qoldanystaǵy nesieler boiynsha jyldyq 6%-ke deiingi paiyzdyq mólsherlemeni sýbsidiialaý tótenshe jaǵdai jariialanǵannan bastap, iaǵni 2020 jyldyń 16 naýryzynan bastap 12 ai merzimge esepteledi.
«Qaryz alýshynyń bankpen bailanysqan kúnine qaramastan, onyń barlyq tólemderi 2020 jyldyń 16 naýryzynan bastap 2021 jyldyń 15 naýryzyn qosa alǵanda sýbsidiialanady. Sýbsidiia bankterge aýdarylady jáne ony qaryz alýshy óz nesieleri boiynsha paiyzdardy tóleýge paidalana alady. Eger ol nesie merzimi aiaqtalǵan kezde paidalanylmasa, onda ol qaryz alýshyǵa tólenedi «, - dedi Accenture Resei men Qazaqstandaǵy strategiia jáne taldaý departamenti direktorynyń orynbasary Dmitrii Zolotýhin.
Memlekettik sýbsidiialaýǵa ótinimderdi qabyldaý 2020 jyldyń 30 qazanynan bastap 1 jeltoqsanyna deiin uzartylǵan bolatyn.
Bul shaǵyn jáne orta biznestiń baǵdarlamaǵa kóbirek qatysýyna jáne bankterdiń qajetti aqparatty ýaqytynda «Damýǵa» jiberýine múmkindik berdi.
Sonyń arqasynda 600-ge jýyq ótinish qabyldandy.
«Bul sýbsidiialaý mehanizmi Memleket basshysynyń 2020 jylǵy 1 qyrkúiektegi tapsyrmasyna sáikes ázirlengen jáne úkimettiń daǵdarysqa qarsy pandemiia kezindegi shekteý sharalarynyń saldaryn barynsha azaitý jónindegi sharalarynyń bóligi. Mehanizmdi jasaýǵa Ulttyq ekonomika ministrligi, QR Qarjy naryǵyn retteý jáne damytý agenttigi, «Damý» qory, «Atameken», Qazaqstan qarjygerler qaýymdastyǵy qatysty «, - dep qorytyndylady Dmitrii Zolotýhin.
