Pandemiia kezinde qyzmet babynda kóz jumǵan 2 sarbaz memlekettik ordenmen marapattaldy. Bul týraly Ulttyq ulan áskeri keńesiniń hatshysy Saverdin Imirov Ortalyq kommýnikatsiialar qyzmetinde aitty, dep habarlaidy QazAqparat.
«Ulttyq ulan qyzmeti patriottyq pen erliktiń mektebine ainaldy. Júktelgen mindetterdi oryndaý kezinde, azamattardyń qaýipsizdigin qorǵaý jolynda bizdiń áskeriler qyraǵylyq tanytyp, sheshimtal erlikter kórsetýde. Biz maqtan tutatyn sarbazdar barshylyq. Pandemiia jaǵdaiynda erlik tanytyp, jankeshtilik kórsetkeni úshin 2 áskeri qyzmetshi kóz jumaǵannan keiin memlekettik ordenmen marapattaldy. 52 áskeri «Halyq alǵysy» medalin aldy», - deidi Ulttyq ulan ókili.
Saverdin Imirov táýelsizdik jyldarynda Ulttyq ulannyń 25 áskeri qyzmetshisi qyzmet babynda kóz jumaǵanyn eske aldy.
«Táýelsizdik jyldarynda Ulttyq ulannyń 214 áskeri qyzmetshisi memlekettik nagradamen maparattaldy. Onyń ishinde 25-i qyzmet babynda kóz jumǵan»», - dedi áskeri keńes hatshysy.
