Qazaqstannyń memlekettik bas sanitar dárigeri Erlan Qiiasov sheteldik juldyzdardyń kontsertine bilet satý derekteri jiti tekseriletinin aitty, dep habarlaidy "Ult aqparat".
Baspasóz konferentsiiasynda Erlan Qiiasovqa elimizde kei óńirlerdiń «qyzyl» jáne «sary» aimaqqa engenine qaramastan naýryz, sáýir, mamyr ailarynda sheteldik juldyzdardyń qatysýymen kontsertter ótkizý josparlanǵany týraly saýal qoiyldy.
«Bul derekter boiynsha bólek tekserý júrgizemiz. Jalpy alsaq, «jasyl» aimaqtaǵy óńirlerde zaldyń 30%-yn toltyryp, «sary» aimaqtaǵy óńirlerde zaldyń 20%-yn toltyryp kontsert ótkize berýge bolady. Al atalǵan faktiler boiynsha, árine, tolyq aqparat alyp, ár fakti boiynsha qanshalyqty zań buzylǵanyn, qanshalyqty kelisilgen shara ekenin jeke-jeke anyqtaimyz. Biletter Almaty qalasy «jasyl» nemese «sary» aimaqta bolǵan kezde satylǵan bolýy múmkin. Biraq dál qazir ondai sharalar ótkizýge tyiym salynǵan», - dedi Erlan Qiiasov.
