«Forsa zertteý institýty júrgizgen saýalnama barysynda 18-29 jas aralyǵyndaǵy adamdardyń 61 paiyzy pandemiia kezinde burynǵy áreketterinen bas tartýdy jón sanamaitynyn aitty. Olardyń qatarynda qaterli topqa kiretin 60 jastan asqan adamdar qarasy kóp», - dep jazady Der Spiegel nemis jýrnaly.
Avtordyń aitýynsha, taǵy bir saýalnama barysynda adamdardyń teń jartysynan astamy koronavirýs pandemiiasyna alańdamaitynyn aitqan. Mamandardyń aitýynsha, mundai áreket aqparattyń jetispeýshiliginen emes, odan da tereńirek psiologiialyq qorǵanys mehanizmderinen týyndap otyr.
«Aldymen adamdar koronavirýs tumaýdyń bir túri deidi, odan keiin Qytaidyń alysta ekenin alǵa tartady. Al endi virýs álemge keń taraǵanda adamdarda úshinshi mehanizm iske qosylady. Virýsologtar men saiaatkerlerdiń aityp jatqan eskertýleri kognitivti deńgeide qabyldanǵanymen, emotsiia men qorqynysh áserinen adamdar áreketterin ózgertýi tiis ekenine boiusyna bermeidi», - dep jazady avtor.
Onyń jazýynsha, virýs juqtyrǵandar men ólgenderdiń sany artqan saiyn baryp qorǵanys mehanizmi qosylady.
«Kóptegen jastar ózderiniń densaýlyǵyna senimdi. Sol sebepti dostarymen kzedesip, burynǵy ómir saltyn jalǵastyra berýi múmkin. Mysaly, temeki shegetinder qoǵamdyq oryndarda jaýapkershilikten aiyryla bastaǵan soń, tyiym salý ǵana áser etti. Qoǵamdyq oryndarda temeki shegýge tyiym salý jyldam oryndaldy. Iaǵni, qarym-qatynasty azaity, erkin qozǵalysty shekteý koronavirýs pandemiiasynda tiimdi bolýy múmkin», - dep jazady avtor.
