Búgin Memleket basshysy Qasym-Jomart Toqaev Úkimettiń otyrysynda pandemiia kezinde týyndaǵan máselelerdy kóterdi. Osy jaily Atyraý oblysy «Azamatty alians» qoǵamdyq uiymynyń tóraiymy Bekkýjieva Áliia Baijanqyzy pikir bildirdi, - dep habarlaidy Strategy2050.kz.
Prezident birqatar ministrlikti, ákimderdi synǵa alyp jatyr. Ol jaǵdai durystalsa deidi. Atyraý oblysynda jaǵdai kúrdeli bolyp tur. Kún saiyn birneshe tanys-tamyrdyń baqilyq bolǵany jaily sýyq habar alamyn. Qorqynyshty bolyp barady. Prezidenttiń búgin aitqan tapsyrmalary tiianaqty oryndalsa, jaǵdai retteledi. Atyraýda kún 40 gradýsqa deiin ystyq. Aýrýhanalarda oryn joq. Aýyryp jatqan adam qarasy kóbeiip jatyr. Biz, atyraýlyq kásipkerler qoldan kelgenshe halyqqa kómek berip jatyrmyz. Aýrýhanadaǵy dári-dármek, ókpe jeldetkish apparattaryn alýǵa aqsha jinadyq. Qiyn-qystaý kezeńde halyqpen birge bolý kerek, - dedi ol.
Á.Bekkýjieva pandemiia kezinde piar-aktsiiaǵa milliondar jumsaǵan keibir uiym basshylaryn synǵa aldy.
Uiymdy jarnamalaý, fleshmob ótkizý degen jumystarǵa 600 mln teńge bólý degen bassyzdyq. 6 mln teńge bolsa da eshteńe emes. 600 mln teńgege qanshama dári-dármek pen apparattar alyp, aýrýhanalardy tósek-oryndarmen qamtamasyz etýge bolar edi. Dál qazir jarnamanyń emes, jan saqtap qalýdyń jaiyn oilaý kerek, - dedi tóraiym.
Sondai-aq, Prezidenttiń Densaýlyq saqtaý ministriniń quzyreti men mártebesi erekshe degen sózi tolyq durys ekenin de aitty.
Memleket basshysy qazir Úkimet pen ákimder Aleksei Tsoidyń usynystary men talaptaryn oryndaý kerek dedi. Tolyq kelisemin. Qazir densaýlyq saqtaý salasy eń mańyzdy orynda. Naýryz-sáýir ailarynda karantinde daiyndyq jasalmaǵynnan búgingidei jaǵdaiǵa jetip otyrmyz. Endi bárine basqasha qaraityn kez keldi, - dedi Áliia Baijanqyzy.
