S. Asfendiiarov atyndaǵy Qazaq ulttyq meditsina ýniversitetiniń rektory Talǵat Nurǵojin meditsina salasyndaǵy maman tapshylyǵy týraly pikir bildirdi, dep habarlaidy QazAqparat.
«Meditsina salasyndaǵy maman tapshylyǵy barlyq ýaqytta bolǵan, bul sala áleýmetke baǵyttalǵan. Dárigerler memlekettik mekemelerde jumys isteidi. Ózderińiz biletindei, taýarlar men qyzmetterdiń sapasy men qaýipsizdigin baqylaý komiteti pandemiianyń alǵashqy kúnderi epidemiologiia, biostatistika, gigiena, virýsologiia salalarynda qajetti mamandardy taba almady. Bul HHI ǵasyrda infektsiiany umytyp ketkenimizdi kórsetti. Sondyqtan, juqpaly aýrýlar aýrýhanasyndaǵy tósek-jabdyq sany da aitarlyqtai qysqarǵan», - dedi rektor Sybailas jemqorlyqqa qarsy qyzmet uiymdastyrǵan onlain kezdesýde.
Spikerdiń aitýynsha, bakteriiaǵa qarsy kóptegen preparattar bar jáne ony jeńýge kúsh-qýat jeterlik. Al virýstyq infektsiiaǵa qatysty birqatar qiyndyqtar bar.
«Vaktsinatsiia nátijesinde kóptegen infektsiialar joǵaldy jáne aýrýhanalardaǵy tósek-oryn sany qysqardy. Oryn azaiǵan soń dárigerlerge de qajettilik azaiady. Epidemiologtardyń azaiýynyń sebebi de sondyqtan. Qazir virýstyń álemdik pandemiiaǵa ákep soqqanyn kórip otyrmyz. Bul qoǵamdyq densaýlyq saqtaý, infektsiialyq aýrýlar salasyndaǵy mamandardyń tapshy ekenin kórsetti. Onsyz da anesteziologtar men reanimatologtar jetispeitin edi, óitkeni olardyń jumysy – óte qaýipti. Ólim men ómirdiń arasynda jatqan naýqastarmen jumys isteidi. Anesteziolog pen reanimatologtyń kez kelgen qyzmeti Qylmystyq kodeks turǵysynan baǵalanady. Sondyqtan da kóptegen tanymal dárigerler bul saladan ketip qaldy», - deidi Talǵat Nurǵojin.
