Elbasy Nursultan Nazarbaev Jasyl damýdyń jahandyq institýtynyń tóraǵasy, BUU burynǵy Bas hatshysy Pan Gi Mýnmen telefon arqyly sóilesti, dep habarlaidy QR Tuńǵysh Prezidentiniń resmi saity.
«Pan Gi Mýn Elbasyn kele jatqan mereitoiymen shyn júrekten quttyqtap, myqty densaýlyq, baqyt jáne barlyq jańa bastamalaryna sáttilik tiledi.
Saiasatker Nursultan Nazarbaevtyń halyqaralyq beibitshilik pen qaýipsizdikti nyǵaitýǵa, sondai-aq Qazaqstannyń jahandyq deńgeidegi bedelin arttyrýǵa qosqan zor úlesin atap ótti.
Elbasy Pan Gi Mýnge jyly lebizderi úshin alǵysyn bildirip, Qazaqstan men Jasyl damýdyń jahandyq institýty arasyndaǵy yntymaqtastyqty odan ári jandandyrý qajettiligine toqtaldy.
Telefon arqyly sóilesýge BUU-nyń burynǵy Bas hatshysy bastamashy boldy», - delingen QR Tuńǵysh Prezidentiniń resmi saitynda.
