© AFP 2023 / SAID KHATIB
Qazaqstan musylmandar dini basqarmasy Palestina-Izrail qaqtyǵysyna bailanysty málimdeme jasady, - dep habarlaidy "Ult aqparat".
"Qazaqstan musylmandary dini basqarmasy Islam dinindegi qasietti úshinshi meken sanalatyn Qudys jerinde bolyp jatqan qantógiske qatty alańdaýshylyq bildiredi jáne qanshama jyldan beri sheshimin tappai kele jatqan máseleniń beibit jolmen, ózara ymyra aiasynda sheshilýin tileidi.
Adamzat balasyn birlik pen igilikke shaqyrǵan paiǵambarlar izi qalǵan qasietti mekenniń búginde soǵys alańyna ainalyp, myńdaǵan beikúná jandardyń, ásirese sábiler men beibit turǵyndardyń oqqa ushyp, qaza tabýy barshamyzdyń janymyzǵa qatty batyp otyr. Aýyr jaraqat alyp, úrei qushaǵynda ómir súrip otyrǵan jandardyń tez saýyǵyp ketýin tileimiz" - delingen málimdemede.
Qazaqstan musylmandary dini basqarmasy taraptardy beibit kelisimge kelýge jáne qantógisti shuǵyl toqtatyp, halyqqa zarar keltirmeýge shaqyrdy.
"Biz sondai-aq Palestina halqynyń halyqaralyq kelisimder men rezoliýtsiialarda bekitilgen tarihi quqyǵyn qoldaitynymyzdy málimdeimiz.
Elimizdegi barsha musylman qaýymyn qasietti mekenniń tynyshtyǵy men amandyǵy úshin duǵa jasaýǵa shaqyramyz. Alla Taǵala jer betin túrli búlikter men soǵystan aman etkei" - delingen málimdeme mátininde.
