Foto: BBC
Islamabadta burynǵy premer-ministr Imran Handy bosatýdy talap etken jappai narazylyqtar bastaldy. Ol 2022 jyly bilikten shettetilgennen keiin birneshe qylmystyq is boiynsha sottalǵan bolatyn. BBC málimetinshe, bilik Hannyń jaqtastaryna jol bermeý úshin joldardy jaýyp, astanaǵa áskeri bólimderdi kirgizdi.
Qaladaǵy eki aýrýhana dárigerleriniń aitýynsha, politsiia men narazylyq bildirýshiler arasyndaǵy qaqtyǵystardan kem degende alty adam qaza taýyp, 50-ge jýyq adam jaraqat alǵan. Jergilikti biliktiń málimetinshe, qaýipsizdik qyzmetiniń tórt qyzmetkeri qaza tapqan. Eldiń ishki ister ministri Mohsin Nakvi narazylyq bildirýshilermen kelissóz júrgizbeýdi talap etip, demonstranttarǵa kózden jas aǵyzatyn gaz qoldanylǵanyn málimdedi. Sondai-aq, ol jýrnalisterge qaýipsizdik qyzmetiniń 120 qyzmetkeri, negizinen politsiia, jaraqat alǵanyn aitty.
Qamaýda otyrǵan eks-premer Imran Han áleýmettik jeli arqyly óz jaqtastaryna úndeý joldady. Ol azamattardy beibit narazylyqty jalǵastyrýǵa jáne «óz quqyqtaryn qorǵaýǵa» shaqyrdy.
Prezident, premer-ministr rezidentsiialary, SIM, IIM, parlament, Joǵarǵy sot jáne diplomatiialyq ókildikter ornalasqan úkimettik aýdanǵa diplomatiialyq missiialardy qorǵaý úshin áskeriler jiberildi.
.jpg)