Foto:instagram.com/zhunusova.makpal
Belgili ánshi, QR halyq ártisi Maqpal Júnisova marqum zaiyby, saiasatker Zamanbek Nurqadilov týraly aitty, dep habarlaidy ult.kz.
Jýrnalist Dina Tólepbergenge bergen suhbatynda Maqpal Júnisova Zamanbek Nurqadilovtyń ólimine qatysty ne bolǵany týraly ashyǵy aitylýy tiis dep esepteidi jáne "ózin-ózi atty degen pýnktti alyp tastaý kerek" deidi.
"Sosyn baryp, eskertkish nemese murajai ashady ma, sol durys bolatyn edi. Sol ózin-ózi atty degen nárse áli tur ǵoi. Soǵan qaramastan baryp eskertkish ashamyz deidi. Sondai tirilip keledi me ol kisi? Adamnyń artynda sol qinap óltirdi, atyp óltirdi, uryp óltirdi degen nárse bar. Qatty urǵan deidi. Jýyndyrǵan adamdar aitty. Belinde úsh jerde synyǵy bar eken. Sonda kádimgidei tepken bolyp tur ǵoi. Sonyń barlyǵy ashylmaǵanyna júrek aýyrady", –dedi ánshi.
Sonymen birge ol úiin satýyna bailanysty: "Úidi satamyn dep shyǵarǵan kezimdi esime salmai-aq qoi. Ótti de ketti. Áńgime aitylǵan jerinde qalsyn. Satpaityn boldym", -dedi. Biraq jaqynda Zamanbek Nurqadilovtiń atyna murajai ashylsa sol jaqqa búkil dúniesin ótkizip bermek nietin jetkizdi.
"Osy kúnge deiin kitaptary men zattaryn berip jiberdim. Qalǵanyn keiin beremin. Basqa amalym joq. Eski úi bolǵasyn jylýy azdaý bolyp tur. Biyl kúrdeli jóndeýden ótkizdim. Qubyrlary jarylyp, azyp-tozyp ketti. Kezinde Zákeń Mereidi osy úiden uzatamyn dep salǵan bolatyn. Ony týysqandardyń bári bildi. Ol kúnge jete almady", – dedi ol.
Aita keteiik, jaqynda Almaty oblysy Kegen aýdanynda Zamanbek Nurqadilovtyń atyna eskertkish ashylǵan ashylý saltanatyna halyq ártisi qatyspady.
