Almaty oblysy Talǵar aýdanynyń turǵyny, Qaznette "Ksivaly Nurbol" atymen tanymal Nurbol Kárimovtiń taǵy bir áreketi áshkere boldy, - dep habarlaidy Tengrinews.kz.
Bul joly ol Instagram-da tikelei efirge shyǵyp, Almatyda jol erejesin óreskel buzǵan júrgizýshiniń ustalǵanyn, ol operatsiiany ózi uiymdastyrǵanyn aitqan.
Alaida, Almaty politsiiasy videoda bolǵan oqiǵa shyndyqqa sáikes kelmeitinin málimdedi. Tártip saqshylarynyń aitýynsha, Kárimovtiń bul oqiǵaǵa esh qatysy joq, arnaiy operatsiia 18 sáýirde ótken.
"Saǵat 22.30-da kezekshi bólimshege belgisiz er adam telefon soǵyp, Audi kóligi Nazarbaev dańǵylynda jol erejesin óreskel buzǵanyn aitty. Politsiia jaqyn mańdaǵy ekipajdardy atalǵan kólikti ustaýǵa jáne kelip túsken aqparatty tekserýge baǵyttady.
Al qońyraý shalǵan adam jol erejesin buzǵan adamnyń artynan qýǵan. Osy sátti tikelei efirge shyǵyp túsirgen jáne bul operatsiiany osy uiymdastyrǵanyn aitqan. Biraq onyń ishki ister organdaryna eshqandai qatysy joq", - dedi politsiia departamentiniń baspasóz qyzmeti.
Aita keteiik, osydan 10 kún buryn Antikor "Ksivaly Nurboldy" ustap, Aqtaý qalalyq IIB ýaqytsha ustaý izoliatoryna qamady. Buǵan Kárimovtiń ózin "sybailas jemqorlyqqa qarsy qyzmettiń qyzmetkerimin" dep tanystyryp, atyna jer telimin tirkeýdi talap etýi sebep bolǵan.
