Sýret: freepik
QMA Qaraǵandy oblysy boiynsha Departamenti Qarjy piramidasyn qurý jáne basqarý kúdigi boiynsha isti tergep jatyr, dep habarlaidy "Ult aqparat" Qarjylyq monitoring agenttigine silteme jasap.
Tergeý barysynda anyqtalǵandai, Qaraǵandy oblysynyń turǵyny buryn qarjy piramidasy arqyly halyqtan aqsha jinaǵany úshin sottalǵan, ol jeke tulǵalardan 50%-dan 300%-ǵa deiingi mólsherdegi tólemderdi ýáde ete otyryp, 1 kúnnen 3 kúnge deiingi merzimge 50 myńnan 300 myń teńgege deiin kóleminde qarajat tartý arqyly WhatsApp jáne Telegram messendjerlerinde chat qurǵan. Aqsha banktik qosymsha arqyly aýdarylǵan.
"Kúdikti ustalyp, oǵan qatysty 2 ai merzimge qamaýǵa alý túrindegi bultartpaý sharasy qoldanylyp, ýaqytsha ustaý izoliatoryna qamaldy.
Aldyn ala tergeýler «Ózimiz ǵoi Arai» chatynda 100-den astam qatysýshyny anyqtady, qazirgi ýaqytta «Liýks chat», «Chek chat Liýks 100%», «Vklad chat 50%» dep atalatyn chattardyń salymshylaryn anyqtaýǵa baǵyttalǵan tergeý áreketteri júrgizilip jatyr" - delingen habarlamada.
QR QPK 201-babyna sáikes ózge de málimetter jariia etilýge jatpaidy. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
