IBF jáne IBO tujyrymdary boiynsha orta salmaqtaǵy álem chempiony qazaqstandyq boksshy Gennadii Golovkin jasy jáne karerasy týraly aitty, - dep habarlaidy Tengrinews.kz tilshisi Vesti.kz saityna silteme jasap.
Senbi, 9 sáýirde GGG biriktirilgen jekpe-jekte WBA nusqasy boiynsha orta salmaqtaǵy "sýperchempion" japon Riota Mýratamen kezdesedi. Aita keteiik, 8 sáýirde Golovkin 40 jasqa tolady. Jekpe-jek Saitamada (Japoniia) ótedi.
"Men 40-qa taqap qaldym jáne buryn eshqashan 40-ta bolmaǵandyqtan, onyń qandai bolatynyn bilmeimin. Biraq qazirgi jaǵdai boiynsha, bári keremet.
Men syrttan eshqandai qysymdy sezbeimin. Oǵan múlde mán bermeimin, biraq, sonymen qatar óz jaǵdaiymdy tolyq bilemin. Shyndyqtan alystamaimyn jáne ózimdi aldamaimyn. Mende eshqandai adasý joq. Men qolymnan ne keletinin tolyq bilemin jáne kareramdy jalǵastyramyn, óitkeni qolymnan keledi", - dep keltiredi vRINGe.com Golovkinniń sózin.
