Foto: kursiv.media
«Ózenmunaigaz» AQ jumysshylary kásipodaǵynyń talaptaryna qatysty «QazMunaiGaz» UK AQ habarlama taratty, dep habarlaidy ULT.KZ.
«QazMunaiGaz» kompaniiasynyń telegram arnasyndaǵy habarlamaǵa qaraǵanda kompaniia 6 talap boiynsha málimdeme jasap otyr. Olar:
«Ózenmunaigaz» AQ zeinetkerleriniń (burynǵy qyzmetkerleriniń) balalaryn jumysqa ornalastyrý:
ÓMG zeinetkerleriniń (burynǵy qyzmetkerleriniń) balalary kompaniianyń shtatyna tikelei alynsa, 2020 jyly bekitilgen jumysqa ornalasý algoritmin buzady. Algoritmge sáikes ÓMG zeinetkerleriniń balalary men jumyssyz azamattar 50/50 proportsiiasy boiynsha teń dárejede jumysqa qabyldanady. Bul talapty oryndaý múmkin emes, óitkeni jumysqa ornalasý kezegin kútip otyrǵan Jańaózen qalasynyń basqa jumyssyz turǵyndarynyń quqyǵyn buzady.
Zeinetke erte shyqqanda tólem mólsherin ulǵaitý (300 AEK):
ÓMG-de jumysshylarǵa merziminen buryn zeinetke shyǵýǵa múmkindik beretin arnaiy baǵdarlama bar. Zeinet jasyna taqaǵan qyzmetkerlerge arnalǵan baǵdarlamanyń talaptary ailyq eseptik kórsetkishke (AEK), munaishynyń ótili men jasyna bailanysty, sonymen qatar otbasy múshesin jumysqa ornalastyrý múmkindigi de qarastyrylǵan.
Tólem mólsheri jumysshynyń ótiline jáne zeinetke shyǵýǵa deiin qalǵan ailar sanyna bailanysty AEK negizinde esepteledi. Bul rette, tólemaqynyń eń joǵary mólsheri 125 AEK — 40 jyldan astam eńbek ótili bar qyzmetkerler úshin belgilengen.
Mysaly, ÓMG-de 40 jyldan astam jumys istegen qyzmetker búginde 60 jasqa kelip erte zeinetke shyqsa, 16,6 mln teńge alady.
Jumysshylar kásipodaǵy qoiyp otyrǵan talap — AEK mólsherin 125-ten 300 AEK-ke deiin ulǵaitý, bul tólem mólsherin eki eseden astamǵa arttyrady. Alaida kompaniiada qazirdiń ózinde jaqsy jaǵdai jasalǵan, bir qyzmetkerge kórsetiletin áleýmettik qoldaý mólsheri — eń joǵary kórsetkishterdiń biri.
Uńǵymalarǵa qyzmet kórsetý basqarmasy janynan 1000 oryndyq arnaiy tehnikany jóndeitin baza salý:
ÓMG jyl saiyn arnaiy tehnikany jańartyp otyrady. Qazirgi ýaqytta burǵylaý jumystary basqarmasynyń tehnikasyn qosa alǵanda, avtoparktiń 65% jańartyldy. 2022-2024 jyldar aralyǵynda buǵan 22 mlrd teńgeden asa qarjy jumsaldy, al 2029 jylǵa deiin taǵy 53 mlrd teńgeden astam bólinetin bolady. Tehnikany jańartýdyń nátijesinde jóndeý jumystary azaidy, sondyqtan jumysshylar talap etkendei jańa jóndeý bazasyn salý tiimsiz bolyp otyr. Arnaiy tehnikany jańartý jumystary QMG tobynyń barlyq kompaniiasynda júrgizilip jatyr.
Ujymdyq sharttyń 2013 jylǵy redaktsiiasyn qaitarý jáne derbes eńbekaqy tóleý júiesine ótý:
Kásipodaq 2013 jyly qoldanysta bolǵan ÓMG ujymdyq shartynyń 5.19 tarmaǵyn qaitarýdy usynady. Bul tarmaq boiynsha jeke tabys salyǵy men mindetti zeinetaqy jarnalary jumys berýshiniń esebinen tólenip kelgen. Al 2017 jyldan beri qyzmetkerlerge jalaqy salyq ustalǵannan keiin beriledi, bul QR zańnamasyna tolyǵymen sáikes keledi.
2024 jyldyń shildesinde Ózenmunaigaz kompaniiasynda eńbekaqy tóleýdiń jańa júiesine ótý jumystary bastaldy. Kásipodaqtar men QR Eńbek ministrliginiń qatysýymen kúrdeli jumysty ádil baǵalaýǵa negizdelgen erejeler ázirlendi. Qazirgi ýaqytta ÓMG ishinde ózara kelisimder júrip jatyr.
Uńǵymalardy jerasty jáne kúrdeli jóndeý mashinisteri men operatordyń sanatyn 6-7-shi dárejege kóterý:
Jumysshynyń dárejesi QR Eńbek ministrliginiń 2018 jylǵy buiryǵymen bekitilgen Biryńǵai tariftik-biliktilik anyqtamalyǵy boiynsha belgilenedi. Qazir kúrdeli jumystarǵa tartylǵan uńǵymalardy jerasty jóndeý mashinisteri men operatoryna tólem 6-shy dáreje boiynsha júrgiziledi. Bul osyndai jumystar úshin ádil aqy tóleýdi qamtamasyz etedi.
Ujymdyq shartqa 30% qosymsha jalaqy tóleý tártibin engizý:
QR zańnamasyna jáne ÓMG-niń 2023 jylǵy eńbekaqy tóleý erejelerine sáikes 30%-ǵa deiingi ústemaqy laýazymdardy qosa atqarǵany, qyzmet kórsetý túrlerin keńeitkeni nemese qosymsha fýnktsiialardy oryndaǵany úshin tólenedi. Sondai-aq ÓMG jumysshylarynyń jalaqysyna jyl saiyn indeksatsiia júrgiziledi. Bul óńirdegi basqa munai óndirýshi kásiporyndardaǵy ortasha jalaqydan asady.
