Foto: ozen.kz
«Ózenmunaigaz» AQ basshylyǵyna qatysty qylmystyq ister sotqa joldandy, dep habarlaidy "Ult aqparat" Qarjy monitoringi agenttiginiń baspasóz qyzmetine silteme jasap.
"QMA Mańǵystaý oblysy boiynsha departamenti «ÓzenMunaiGaz» AQ basshylyǵyna qatysty sotqa deiingi tergeýdi aiaqtady.
Tergeý barysynda «ÓMG» AQ bas direktorynyń orynbasary B.Mambetsapaevtyń áreketi is júzinde jumys istemeitin jáne negizsiz jalaqy alǵan tanystaryn jalǵan jumysqa tartý arqyly qyzmettik ókilettigin asyra paidalaný dep saralandy.
«ÓMG» AQ bas direktorynyń taǵy bir burynǵy orynbasary E.Karamýrzaevqa uńǵymalardy jerasty jóndeý boiynsha zańsyz tender ótkizý arqyly, satyp alýǵa qatysqan basqa qatysýshylardyń múddelerine nuqsan keltirip, jekelegen kompaniialardyń múddelerin qorǵady degen aiyp taǵyldy. Keltirilgen shyǵyp kólemi - 623 mln teńge" - delingen habarlamada.
Sonymen qatar, aldyn ala sóz bailasý arqyly senip tapsyrylǵan 294 mln teńgeni jymqyryp, talan-tarajǵa salǵan «ÓMG» AQ munai-gaz óndirý basqarmasy direktory men jetkizýshige de aiyp taǵylǵan.
Vedomstvo málimetinshe, barlyq qylmystyq is sotqa joldanǵan. QR QPK 201-babyna sáikes ózge de aqparat taratýǵa jatpaidy.
