Atyraý oblysynda Oiyl ózenine batyp ketken jigittiń máiiti sýdan shyǵaryldy, dep haarlaidy QazAqparat.
Budan buryn Atyraý oblysynda 26 jastaǵy jigit sýǵa ketkenin jazǵan edik.
Oblystyq tótenshe jaǵdailar departamenti baspasóz qyzmetiniń málimetinshe, jas jigit 21 sáýirde saǵat 15:30-da Oiyl ózenin atpen kesip ótpek bolǵan. Ókinishke qarai, qarsy bettegi jaǵalaýǵa jete almai, sýǵa batyp ketken.
Oiylǵa batqan jigitti izdeý keshe, 22 sáýirde saǵat 10:45-te bastaldy. Izdestirý jumystary búgin, 23 sáýirde saǵat 08:00-de qaita jalǵasty.
«Qyzylqoǵa aýdanynyń 1996 jyly týǵan turǵyny Oiyl ózeninen atpen ótý kezinde sýǵa batyp ketken. Ony izdestirýge Tótenshe jaǵdailar departamentiniń 4 qyzmetkeri men jergilikti atqarýshy organnyń 2 qyzmetkeri tartyldy. Jergilikti 5 turǵyn izdestirý jumysyna kómekke keldi. Oiyl ózenine batyp ketken 26 jastaǵy jigittiń máiiti búgin, 23 sáýirde saǵat 09:30-da sýdan shyǵaryldy», - dep habarlady departamenttiń baspasóz qyzmetinen.
