Til saraiynda ótken oblystyq keńestiń kezekti otyrysynda óńirdiń órkendeýine qatysty sheshimder men qaýlylardyń oryndalý barysy talqylanyp, jergilikti biýdjetten bólingen qarjynyń igerilýi jaily sóz boldy.
Aldymen «Almaty oblystyq máslihatynyń 2018 jylǵy 13 jeltoqsandaǵy «Almaty oblysynyń 2019-2021 jyldarǵa arnalǵan oblystyq biýdjeti týraly» №38-211 sheshimine ózgerister men tolyqtyrýlar engizý týraly» sheshiminiń jobasy jariia talqylandy. Taqyrypqa qatysty oblystyq ekonomika jáne biýdjettik josparlaý basqarmasynyń basshysy Jomart Ámirhanov málimet berip, engizilgen ózgertýler men tolyqtyrýlardy tanystyrdy. Jariia talqylaýǵa qatysqan keńes músheleri jobaǵa daýys berip, qoldaý kórsetti.
Odan keiin oblys ákimdiginiń «Almaty oblysy ákimdiginiń 2018 jylǵy 19 qazandaǵy «Akvaósirý (balyq ósirý) ónimdiligi men sapasyn arttyrýdy sýbsidiialaý» memlekettik kórsetiletin qyzmet reglamentin bekitý týraly» №497 qaýlysyna ózgerister engizý týraly» qaýlysynyń jobasy, oblys ákimdiginiń «Almaty oblysy ákimdiginiń 2016 jylǵy 18 sáýirdegi «Aýylsharýashylyǵy taýaryn óndirýshilerge sý berý qyzmetteriniń qunyn sýbsidiialaý» memlekettik kórsetiletin qyzmet reglamentin bekitý týraly» №193 qaýlysyna ózgeris engizý týraly» qaýlysynyń jobasy, oblys ákimdiginiń «Almaty oblysy ákimdiginiń 2015 jylǵy 21 tamyzdaǵy «Jer qatynastary salasyndaǵy memlekettik kórsetiletin qyzmetter reglamentin bekitý týraly» №376 qaýlysyna ózgeris engizý týraly» qaýlysynyń jobasyn jariia talqylaýǵa keńes músheleri biraýyzdan daýys berip, qoldady.
Jiynda qaralǵan oblys ákimdiginiń «Ashyq derekterdiń internet-portalynda ornalastyratyn ashyq derekter tizbesin bekitý týraly» qaýlysynyń jobasyn jariia talqylaý internet jelisi arqyly júretini, soǵan orai málimetterdiń jinaqtalýyna bailanysty jobany talqylaýdan alyp tastaý kerektigi aityldy. Bul rette jariia talqylaýdy keiinge qaldyrý usynysyn kópshilik biraýyzdan qoldap, arnaiy komissiianyń qaraýynan ótýin jón dep tapty.
Budan soń oblystyq máslihattyń «Almaty oblysy boiynsha turǵyn úi sertifikattarynyń mólsheri men olardy alýshylar sanattarynyń tizbesin aiqyndaý týraly» sheshiminiń jobasy jariia talqylanyp, oblystyq jumyspen qamtýdy úilestirý jáne áleýmettik baǵdarlamalar basqarmasy basshysynyń orynbasary Erlan Abdaliev tanystyrǵan málimetter keńes músheleriniń nazaryn aýdartty. Onyń aitýynsha, turǵyn úige muqtaj otbasylar eń aldymen alatyn baspana qunynyń 20 paiyzyn alǵashqy jarna retinde bankke quiýy tiis. Bul soma kepil retinde qoldanylady. Turǵyn úi sertifikaty baspana kezeginde turǵan kópbalaly analarǵa, densaýlyq saqtaý, bilim, mádeniet syndy salalardyń mamandaryna beriledi. Óitkeni, bul joba eń aldymen úi kezeginde turǵandardy baspanamen qamtamasyz etýdi kózdeidi.
Jiyn sońynda oblystyq qoǵamdyq keńestiń biylǵa arnalǵan jumys jospary talqylandy.
Mádi ALJANBAI
