Ózbekstannyń tuńǵysh prezidentiniń qyzy Lola Karimova-Tilliaeva IýNESKO elshisi qyzmetinen ketti. Bul týraly ol Facebook paraqshasynda jariialady.
Ol feisbýk paraqshasyna: «2008 jyldan bastap turaqty ókil jumys istegennen beri IýNESKO-ǵa Ózbekstannyń kóptegen mádenieti men dástúri beimaterialdyq mádeni muralar tizimine endi. Bular - «Navrýz» merekesin atap ótýi, Ózbekstannyń Ferǵana jazyǵyndaǵy halyqtyń «Katta ashýla» ánin oryndaýy, ózbek palaýynyń mádenieti men dástúri, Shashmak mýzykalyq dástúri, «Askiia» aýyz ádebieti shyǵarmashylyǵy. 2016 jyly álemdegi eń úlken taý júiesi, Qazaqstan, Qyrǵyzstan jáne Ózbekstandy alyp jatqan Batys Tian-Shan Búkilálemdik muralar tizimine endi», - dep jazdy.
Aldaǵy ýaqytta ol «Sen jalǵyz emessiń» balalar qorynda jumys isteýin jalǵastyrmaq.
Lola Karimova-Tilliaeva buǵan deiin IýNESKO elshisi qyzmetinen 2017 jyldyń tamyz aiynda ketetinin jariialaǵan. Ol kezde 39 jastaǵy Karimova-Tilliaeva endi bar ýaqytyn Islam Karimov qoryna arnaitynyn málimdegen.
