Qytai jáne ózbek elderiniń koronavirýsqa qarsy shyǵarǵan ZF-UZ-VAC 2001 vaktsinasynyń tiimdiligi 97 paiyzdy qurap otyr, al preparattyń qaýipsizdigi – 99 paiyz. Bul týraly Ózbekstan Olii Májilisine vaktsinanyń klinikalyq synaǵynyń nátijesin usyný barysynda Ózbekstannyń Innovatsiialyq damý ministrligi málim etti, dep habarlaidy "ult aqparat".
Ózbekstannyń Innovatsiialyq damý ministriniń birinshi orynbasary Shahlo Týrdikýlov «Ózbekstan 24» telearnasyna bergen túsiniktemesinde qytai-ózbek vaktsinasynyń tiimdiligi men qaýipsizdiginińǵ ǵylymi jáne praktikalyq dálelderi el parlamentine usynylǵanyn aitty.
«Biz qytailyq áriptesterimizben birge álemde koronavirýsqa qarsy eń tiimdi ári qaýipsiz vaktsinalardyń birin shyǵardyq, ol ZF-UZ-VAC 2001 brendtik ataýyna ie. Bul – otandyq ǵylym salasynyń úlken jetistigi elimizdi jeke vaktsinany shyǵarýshy elder qataryna kirgizdi. Bul vaktsina óte kúrdeli klinikalyq zertteýlerden ótti. Barlyq jumystar óte qatań standarttar boiynsha, halyqaralyq talaptarǵa sáikes júrgizildi. Qazirgi kezde vaktsina DDSU qaita tirkeý kezeńinen ótip jatyr», - dep baiandady spiker.
Bul rette atalǵan vaktsinanyń joǵary tiimdiligi men keri áseriniń bolmaýy atap ótiledi.
Eske sala ketsek, Ózbekstan Zhifei Loncom Biofharmaceutical kompaniiasy jasap shyǵarǵan qytailyq vaktsinanyń qosarlas avtory bolyp tanyldy. Nátijesinde respýblikanyń ishki naryǵynda ol ZF-UZ-VAS 2001 ataýyna ie bolǵan.
