قىتاي جەنە ٶزبەك ەلدەرٸنٸڭ كوروناۆيرۋسقا قارسى شىعارعان ZF-UZ-VAC 2001 ۆاكتسيناسىنىڭ تيٸمدٸلٸگٸ 97 پايىزدى قۇراپ وتىر, ال پرەپاراتتىڭ قاۋٸپسٸزدٸگٸ – 99 پايىز. بۇل تۋرالى ٶزبەكستان وليي مەجٸلٸسٸنە ۆاكتسينانىڭ كلينيكالىق سىناعىنىڭ نەتيجەسٸن ۇسىنۋ بارىسىندا ٶزبەكستاننىڭ يننوۆاتسييالىق دامۋ مينيسترلٸگٸ مەلٸم ەتتٸ, دەپ حابارلايدى "ۇلت اقپارات".
ٶزبەكستاننىڭ يننوۆاتسييالىق دامۋ مينيسترٸنٸڭ بٸرٸنشٸ ورىنباسارى شاحلو تۋرديكۋلوۆ «ٶزبەكستان 24» تەلەارناسىنا بەرگەن تٷسٸنٸكتەمەسٸندە قىتاي-ٶزبەك ۆاكتسيناسىنىڭ تيٸمدٸلٸگٸ مەن قاۋٸپسٸزدٸگٸنٸڭع عىلىمي جەنە پراكتيكالىق دەلەلدەرٸ ەل پارلامەنتٸنە ۇسىنىلعانىن ايتتى.
«بٸز قىتايلىق ەرٸپتەستەرٸمٸزبەن بٸرگە ەلەمدە كوروناۆيرۋسقا قارسى ەڭ تيٸمدٸ ەرٸ قاۋٸپسٸز ۆاكتسينالاردىڭ بٸرٸن شىعاردىق, ول ZF-UZ-VAC 2001 برەندتٸك اتاۋىنا يە. بۇل – وتاندىق عىلىم سالاسىنىڭ ٷلكەن جەتٸستٸگٸ ەلٸمٸزدٸ جەكە ۆاكتسينانى شىعارۋشى ەلدەر قاتارىنا كٸرگٸزدٸ. بۇل ۆاكتسينا ٶتە كٷردەلٸ كلينيكالىق زەرتتەۋلەردەن ٶتتٸ. بارلىق جۇمىستار ٶتە قاتاڭ ستاندارتتار بويىنشا, حالىقارالىق تالاپتارعا سەيكەس جٷرگٸزٸلدٸ. قازٸرگٸ كەزدە ۆاكتسينا ددسۇ قايتا تٸركەۋ كەزەڭٸنەن ٶتٸپ جاتىر», - دەپ باياندادى سپيكەر.
بۇل رەتتە اتالعان ۆاكتسينانىڭ جوعارى تيٸمدٸلٸگٸ مەن كەرٸ ەسەرٸنٸڭ بولماۋى اتاپ ٶتٸلەدٸ.
ەسكە سالا كەتسەك, ٶزبەكستان Zhifei Loncom Biofharmaceutical كومپانيياسى جاساپ شىعارعان قىتايلىق ۆاكتسينانىڭ قوسارلاس اۆتورى بولىپ تانىلدى. نەتيجەسٸندە رەسپۋبليكانىڭ ٸشكٸ نارىعىندا ول ZF-UZ-VAس 2001 اتاۋىنا يە بولعان.
