Foto: ashyq derekkóz
Shabdaly partiiasynan shyǵys jemis jemiri anyqtaldy, dep habarlaidy "Ult aqparat".
Qazaqstan Respýblikasy Aýyl sharýashylyǵy ministrliginiń agroónerkásiptik keshendegi Aqtóbe oblystyq aýmaqtyq inspektsiiasynyń inspektorlary Ózbekstannan ákelingen shabdaly partiiasynan karantindik ziiankes — shyǵys jemis jemirin (Grapholita molesta Busck) anyqtady.
Ortalyq kedendik resimdeý pýnktinde karantindik fitosanitarlyq baqylaý júrgizý kezinde salmaǵy 2,58 tonna jańa pisken shabdaly partiiasy tekserildi.
Partiia Ózbekstan Respýblikasy Tashkent oblysynyń Iangiiýl aýdanynan avtomobil kóligimen jetkizilgen bolatyn.
Jemis úlgileri iriktelip, Aqtóbe aimaqtyq karantindik zerthanasyna jiberildi.
Saraptama shyǵys jemis jemiri baryn rastady.
Karantindik nysannyń taralýyna jol bermeý maqsatynda zalaldanǵan ónimderdi oqshaýlaý jáne joiý sharalary der kezinde júrgizildi.
