Ózbekstan Respýblikasynan jalpy somasy 101 mln teńgeniń meditsinalyq gýmanitarlyq júkterin el aýmaǵyna jetkizý máselesi Kásipkerlik palatanyń aralasýymen oń sheshildi, dep habarlaidy "Ult aqparat".
Gýmanitarlyq júk aǵymdaǵy jyldyń 8 maýsymynda Túrkistan qalasy aýmaǵyna jetkizilgen. Ol kezde Almaty jáne Túrkistan qalasy aýmaǵynda engizilgen karantindik sharalar saldarynan, memlekettik mekemeler men kásipkerlik sýbektileriniń jumystary shektelgen edi. Seriktestiktiń taýarǵa arnalǵan qujattarynda bul júktiń gýmanitarlyq bolyp tabylatynyn jáne kommertsiialyq maqsatta paidalanylmaitynyn rastaityn anyqtamasy bolmaǵan.
«Oblys aýmaǵynda koronovirýstyq infektsiianyń taralý kezinde meditsinalyq buiymdarǵa degen joǵary qajettilikti eskere otyryp, biz, iaǵni Kásipkerler palatasy Túrkistan oblysy boiynsha qoǵamdyq densaýlyq saqtaý basqarmasy men keden qyzmetiniń ókilderimen kelissózder júrgizdik. Kórsetilgen shuǵyl kómek nátijesinde gýmanitarlyq júk qujattaryn resimdeý boiynsha barlyq is-sharalar dereý aiaqtaldy», - dep atap ótti oblystyq Kásipkerler palatasynyń kásipkerlerdiń quqyǵyn qorǵaý jáne ákimshilik kedergilerdi azaitý bóliminiń sarapshysy Nursultan Kárimbaev.
Aita keteiik, ruqsat qujattaryn ýaqtyly almaǵan jaǵdaida, kásipkerge taýar salmaǵyna QQS somasyn, iaǵni 16 mln teńge tóleýge týra keletin edi. «AIBI-AI» JShS tasymaldaǵan gýmanitarlyq kómektiń ishinde 440 dana aýrýhana kereýeti men 150 myń dana meditsinalyq maska, 150 myń dana bir rettik qolǵaptar men 2 500 dana qorǵanys kiimi jáne 1 myń dana termometr bar bolǵan.
