Túrkistan oblysyndaǵy Ózbekstanmen shekaralas Keles aýdanynda ainalma jol salynady, dep habarlaidy "Ult aqparat".
Aýdan ákimdiginiń málimetinshe, Abai aýylynan ótetinin Respýblikalyq maǵyzy bar A-15 avtojoly mańyndaǵy keptelis búgingi tańda birqatar qolaisyzdyqtar týǵyzýda. Halyq sany 600 myńǵa jýyq kórshiles aýdandar úshin de úlken máseleleriniń biri bolyp tur.
Atalǵan problemany sheshý úshin jol jiegi keńeitilip, baǵdarsham ornatylǵanymen nátije shyqpady. Sebebi, atalǵan jol táýligine 3 myń – 5 myń kólik ótýge ǵana arnalyp soǵylǵan. Al, búgingi kúni munda kúnine 27 – 30 myń kólik ótýde. Endigi jerde respýblikalyq trassa janynan aýdan ortalyǵyna kiretin janama jol salý úshin jumystar júrgizilýde. Tiisinshe atalǵan qurylys basty trassaǵa aýdan ishinen tikelei kólikter qosylmai, janama jol arqyly avtobeket mańynan óte qosylady.
Sonymen qatar aýdan ortalyǵynan Respýblikalyq trassaǵa qosylatyn 6 kóshede de osy janama jolǵa qosylyp, tiisti mekenine keptelissiz jetedi. Jol qurylysy úshin tiisti jerdi qaraý barysynda, jol jiegine túsken kásipkerlik nysandardy kóshirý jumystary basty nazarǵa alynǵan. Tiisti zańnamaǵa sáikes 14 kásipkerlik qurylys nysany basqa aýmaqqa kóshiriletin boldy.
Bul rette ákimdik pen aýdandyq tiisti aýmaqtyq máslihat depýtattary, aýdandyq «Nur Otan» pariiasy tarapynan aldyn ala eskertý berilip, kásipkerlermen kezdesýler uiymdastyrylǵan. Nátijesinde zańsyz salynǵan qurylys nysandary buzylyp, qaitadan jóndeý jumystary júrgizilýde.
