Tashkentte Ortalyq Aziia memleketaralyq sý sharýashylyǵyn úilestirý komissiiasynyń 25 jyldyǵyna orai halyqaralyq ǵylymi konferentsiia ótti, dep habarlaidy "Ult aqparat".
Oǵan baýyrlas bes eldiń qurylym basshylary, álemniń iri qarjy uiymdary men ǵalymdar jáne 200-ge jýyq sarapshy qatysty. Mamandar shirek ǵasyrda memleketaralyq institýttyń jinaǵan tájiribesimen bólisip, aldaǵy birlesip atqaratyn sharýalaryn pysyqtady.
Jalpy komissiia ortaq basseindegi sýdyń ózenderge qajetti deńgeide jetýin rettep otyrady. Sonyń arqasynda Syr men Ámýdariianyń saǵasynda ornalasqan elderde aýyl sharýashylyǵy salasy qalypty damyp keledi.
Konferentsiiada Aral teńizi basseinin qalpyna keltirý, sýdy únemdi paidalaný, ekologiialyq ahýaldy jaqsartý syndy máseleler kóterildi. Eń bastysy, kóp ýaqyttan beri aitylyp kelgen Ózbekstanmen irgeles jatqan Ońtústik Qazaqstan oblysyna qarasty úsh aýdan turǵyndaryna Ógem ózeninen aýyz sý alý máselesi túbegeili sheshimin tapty.
"Qazaqstannyń ońtústik oblysyndaǵy Shardara, Maqtaral, Shymkent qalasynyń Saryaǵash aýdanyna qajetti aýyz sý máselesi sheshildi. «Ógem» ózeninen ózimizdiń enshimizdi alý týraly kelisimge keldik. Aldaǵy ýaqytta soǵan qajetti is sharalar jasap, sol eldi mekenderdi taza aýyzsýmen qamtamasyz etý máselesin tolyq sheshtik. Bul da osy komissiianyń bir úlken jetistigi dep sanaýǵa bolady", - QR aýyl sharýashylyǵy vitse-ministri Erlan Nysanbaev.
