Qazaqstan shekarasyna jaqyn mańda ornalasqan áskeri qoimada jarylys boldy, - dep habarlaidy Tengrinews.kz agenttigi Podrobno.uz saityna silteme jasap.
Áleýmettik jelide Ózbekstannyń Syrdariia oblysynda bolǵan jarylys túsirilgen video paida boldy.
Ózbekstan Qorǵanys ministrligi oqiǵa 22 qazanda tańǵy saǵat 4.55-te Málik eldi mekenindegi (Qazaqstan shekarasynan ondaǵan shaqyrym jerde – esk.) Qorǵanys ministrligi qoimasynda bolǵanyn habarlady. Ministrlik bul qoimada ne saqtalǵanyn, sondai-aq jarylysqa ne sebep bolǵanyn ázirge naqtylaǵan joq.
Qurbandar men zardap shekkender joq. Alaida áleýmettik jelide tarap jatqan videoda qatty dybys estiledi, keiin dúmpý tolqyny paida bolyp, saldarynan qoimaǵa jaqyn mańda ornalasqan úilerdiń terezeleri synyp, keibir plastikalyq qurylymdar qiraǵan. Is boiynsha tergeý júrip jatyr.
