Foto: RIA Novosti
1 jeltoqsannan bastap Ózbekstanda reseilik Yandex.Go taksi qyzmeti buǵattalýy múmkin, - dep habarlaidy Tengrinews.kz portaly Podrobno.uz saityna silteme jasai otyryp.
Bul jaǵdai kompaniianyń birqatar talaptardy oryndamaǵanynan bolyp otyr.
"Osy jyldyń qyrkúiek aiynda Yandex.Go kompaniiasyna zańnamalyq qujattarǵa sáikes óz qyzmetin eki ai merzimde uiymdastyrýǵa talaptar qoiyldy", - dep málimdedi Ózbekstan Salyq komiteti.
Olardyń qatarynda qyzmetti júzege asyrý jáne belgilengen salyqtardy tóleý úshin Ózbekstannyń salyq rezidenti retinde tirkelý, salyq organdarynyń aqparattyq júiesimen integratsiiany qamtamasyz etý jáne klientterge avtomatty túrde qalyptastyrylatyn fiskaldyq chekti usyný talaptary engizilgen bolatyn.
"Joǵaryda atalǵan talaptar oryndalmaǵan jaǵdaida, 2023 jylǵy 1 jeltoqsanǵa deiin Salyq komiteti tsifrlyq tehnologiialar ministrligine Yandex kompaniiasynyń elektrondyq platformasyn paidalanýdy buǵattaý týraly resmi ótinish jiberedi", - dep atap ótti komitettiń baspasóz qyzmeti.
