Koronavirýsqa bailanysty Ózbekstanda joǵary oqý orny túlekteriniń bitirý keshi onlain formatta ótedi. 30 sáýirde oqý jylyn aiaqtaý máselesi boiynsha ótken otyrysta prezident Shavkat Mirziiaev osylai dep málimdedi.
Prezidenttiń baspasóz qyzmetiniń habarlaýynsha, kezdesý kezinde bilim berý mekemelerine qujat qabyldaý júiesin jetildirý, qujattardy qashyqtan tapsyrý múmkindigin qarastyrý siiaqty máseleler talqylanǵan. Qoǵamǵa jańa ózgerister qosymsha habarlanatyny da aityldy.
Mirziiaev sheneýnikterge biyl oqý ornyna qabyldaý emtihanyn jeńildetilgen formatta ótkizýdi tapsyrǵan.
Koronavirýs juqtyrǵandar sany jaǵynan Ózbekstan Ortalyq Aziia aimaǵynda Qazaqstannan keiin ekinshi orynda tur. Sońǵy málimet boiynsha, munda 2039 adamnan koronavirýs tabylǵan. 9 adam qaitys bolǵan. 1133 adam jazylǵan.
Elde karantin 10 mamyrǵa deiin uzartylǵan. Biraq bilik 30 maýsymǵa deiin halyqaralyq reisterdi qabyldaýǵa tyiym salǵan.
