كوروناۆيرۋسقا بايلانىستى ٶزبەكستاندا جوعارى وقۋ ورنى تٷلەكتەرٸنٸڭ بٸتٸرۋ كەشٸ ونلاين فورماتتا ٶتەدٸ. 30 سەۋٸردە وقۋ جىلىن اياقتاۋ مەسەلەسٸ بويىنشا ٶتكەن وتىرىستا پرەزيدەنت شاۆكات ميرزيياەۆ وسىلاي دەپ مەلٸمدەدٸ.
پرەزيدەنتتٸڭ باسپاسٶز قىزمەتٸنٸڭ حابارلاۋىنشا, كەزدەسۋ كەزٸندە بٸلٸم بەرۋ مەكەمەلەرٸنە قۇجات قابىلداۋ جٷيەسٸن جەتٸلدٸرۋ, قۇجاتتاردى قاشىقتان تاپسىرۋ مٷمكٸندٸگٸن قاراستىرۋ سيياقتى مەسەلەلەر تالقىلانعان. قوعامعا جاڭا ٶزگەرٸستەر قوسىمشا حابارلاناتىنى دا ايتىلدى.
ميرزيياەۆ شەنەۋنٸكتەرگە بيىل وقۋ ورنىنا قابىلداۋ ەمتيحانىن جەڭٸلدەتٸلگەن فورماتتا ٶتكٸزۋدٸ تاپسىرعان.
كوروناۆيرۋس جۇقتىرعاندار سانى جاعىنان ٶزبەكستان ورتالىق ازييا ايماعىندا قازاقستاننان كەيٸن ەكٸنشٸ ورىندا تۇر. سوڭعى مەلٸمەت بويىنشا, مۇندا 2039 ادامنان كوروناۆيرۋس تابىلعان. 9 ادام قايتىس بولعان. 1133 ادام جازىلعان.
ەلدە كارانتين 10 مامىرعا دەيٸن ۇزارتىلعان. بٸراق بيلٸك 30 ماۋسىمعا دەيٸن حالىقارالىق رەيستەردٸ قابىلداۋعا تىيىم سالعان.
